Lív og løtur

Hey, og vælkomin til mín blogg "lív og løtur" :)
Havi leingi ætlað mær at blogga, men havi ikki ordiliga havt tíð til tað fyrr enn nú.
Seinastu trý árini havi eg verið lesandi á netinum, so tíðin hevur verið sera avmarkað til annað enn bara skúlating og familjulív.

Men nú er lestrartíðin av, og havi eg samstundis fingið ein nýggjan tittil í lívinum og kann kallað meg, "Námsfrøðingur" :)

Eri gift við verins fittasta manni, Tórður eitur hann. Altíð so jaligur og í góðum lag og ein hollur stuðul í øllum sum eg takist við. Vit eiga 4 deilig børn, sum ikki eru so lítil meira, í aldrinum frá 12 -25 ár....so skjótt gongur tíðin...  -forrestin so feiraðu vit í februar í ár, silvurbrúðleypsdag okkara :)

Eg havi altíð verið og eri eitt sera kreativt menniskja. Havi altíð høvdið fult av hugskotum sum mangan geva mær vøkunætur... ;) íverksetari kann man nokk kalla meg, .. tað er mangan skjótt frá tanka til veruleika.. ;)

Havi valt at kalla bloggin fyri "lív og løtur". - Tær gerandisligu løturnar í lívinum eru nógvar og góðar, og eisini minni góðar til tíðir, soleiðis er lívið hátta.
Eg fari at blogga um tær góðu og gevandi løturnar í mínum lívið. Alt frá skapandi tilveru míni, -náttúruupplivingar, og aðrar hugnaligar løtur í lívinum... -So spennandi verður hvat fer at koma burturúr bloggarínum ;) "livst, so spyrt".. :))

Vælkomin at fylgja við! :)