Skýmingarløtan

Åh sum tað er vælsignað at búgva bara 5 minuttir frá hesi dýrabaru perlu. Hetta eru so góðar løtur. Maðurin akkurat heimaftur komin úr Grønlandi. Vit elska at fara ein túr oman á Vatn. Viðhvørt bara ein gongutúr framvið, meðan aðrir túra, sum í kvøld, hann við tráðuni og hon við stokkunum. 

-Lívið er deiligt og tað ræður um at njóta hvørja løtu. 😀

Minnist einu ferðina eg kom inn til vermóður, -sum nú er flutt heim til Himmals. Hon sat altíð við køksgluggan. Eg komi inn og tað er so myrkt, og spyrji hví hon situr í myrkri, og svarar hon: Eg elski skýmingarløtuna, at eygleiða hvussu ljósið broytist, haldi tað er so vakurt. Og eg tendri sjáldan áðrenn hon er farin forbí, legði hon afturat. - Haldi ikki eg nakran tíð hevði givið mær far um hetta áður, og gav tað mær nakað at hugsa um.

Og nú meðan vit sita niðri við Vatn, alt er so stilt og frisælt, kemur skýmingarløtan brádliga sníkjandi yvir okkum. Eg eygleiði ljósið og litirnir, alt ímeðan litirnir broytast so líðandi. 

-Takksom fyri hesa løtuna, og eisini løtuna hinaferð í køkinum hjá vermóðir. ❤ 

Elski føroysku náttúruna. Haldi hon er so einastandi vøkur og gleðist um hvørja løtu vit eru slíkar túrar sum hendan. Hetta er alvorliga balsam fyri likam og sál. 👌

❤

English version.

Only 5 minuets from our home lies the biggest Lake in the Faroes, called Leitisvatn. We love this place. Yesterday evening we, me and my husbandwere spending some quality time there. He fishing and she knitting😀

Remember ones I was visiting my mother in law. She was sitting in darkness by the kitchen window , when I entered. I asked her, why are you sitting her in the darkness, and here´s what she answers: I love sitting here watching the twilight our, see how the colors changes in this this specific our, it´s so beautiful, and I rarely turn the light on, before it has past.

Thankful for this moment by the Lake, and the other one in my mother in law´s kitchen. And it sure gave me something to think about. Now she is in heaven. ❤

Love our faroes nature. Such beautiful and peaceful  place for relaxing and taking good care of oneself.

❤

Summardagur í Mei

Ein biltúrur til Gásadals við kameranum. Og so at fáa hesar vøkru myndirnar framvið við vegnum og fáa staðfest at nú er summarið ávegis - tað er heilt fantastiskt. Eg haldi eg lati myndirnar tala fyri seg.

LÍVSÆLT, er tað. 😄

We are in Vágar. I love spending time outside on this beautiful isle, Vágar, which I live in. Yesterday we went for a drive to Gásadalur, of course I had my camera with me. This is what I captured on the road, while driving.  - It shows me that summer is near and the weather is bright and warmer too.  - BLISSFULLY 😃 

-  More about Vágar and Faroe Island here:  visitvagar - visitfaroeisland

      The red boat and Trælanípan

Frídagur og frisørdagur

Salong UNA. - Skelti, sum babba gjørdi til Unu, tá hon skuldi opna frisørsalong í Klaksvík, skrivað á ein gamlan viðarbul. Nú longu nógv ár síðan. Deilig minnir, nú babba  ikki er millum okkum longur.      

Mín vakra systi, innan sum uttan, haldi eg eri so heldig at eiga eina so dugnaliga frisørsysti. Elski hesar hugnaligu løtur tá eg fari norð at gera hár,  og sum oftast fáa vit eitt flenniflipp.

Tað er ikki tað ting hon ikki dugur. Hon bindur og seymar og er ein sera kreativ sál. Tað er altíð okkurt sum er í gongd, ella, sum er skránnið, og so dugir hon so sera væl at gera hár. 

Tann kendi seyðurin hjá byolafsdottir, sum prýur um á Salong Unu, eins og í so mongum øðrum heimum. 

 Myndatóli slapp við ein túr til Klaksvíkar. Legg merki til hyllarnar í bakspeglinum. Hesar hevur maðurin hjá Unu, Mouritz  gjørt. Hann er so dugnaligur og kreativur og bræðar ikki úr ætt, tá hugsa verður um hansara kunstnerisku røtir.

 Aftaná fóru vit en túr í Jacqson at fáa ein góðan leskibita.

 Hetta er tann kendi Múla-osturin, var fortalt okkum... ein delikatessa 👌

 Kreativa sanghjørni í Jackson, so hugnaligt.  Haldi hetta er ein so genial og gjøgnumførd samanseting av ymiskum gomlum og slitnum lutum. Fór eina løtu eftir memory lane og mintist Hopo jakkarnir sum vóru so modernaðir tá, ein klædnafyritøka í Klaksvík seymaði teir tá einaferð í 80inum. Teir vóru so mega kul, eg minnist  eg átti ein ljósabláan Hopojakka.

 So væl nøgd, Unasysti dugir.  - Viðhvørt fái eg spurningin, ....hevur tú lita hárið grátt... men tað havi eg ikki, hetta er náttúrunar hond og eg havi tað fínt við tí. Bíblian umtalar tey gráu hárini sum ein, ´heiður´, hjá teim gomlu. - Ikki tí, eg haldi meg vera gamlan yvirhøvur, -tvørturímóti. 😇

 Sá hesa vøkru rhododendron í einum garði, eg gekk framvið í Klaksvík. So sera vøkur og stór.
- Nú sprettur á fold og spírar 💮  💮  💮  ....og so vakra Chritianskirkjan í baksýninum.
 - Ein deiligur dagur í Klaksvík. ❤

Ùt á Vágahavið

Summarið er í hondum og tað er at glaðast um. Er tað nakað vit elska eg og maðurin, so er tað at fara ein stimitúr við okkara báti, Tóra J.

Veðrið er eitt sindur támut og púra stilli, maðurin spyr um vit ikki skulu fara ein stimitúr og hava tráðurnar við...og tað nýttist hann ikki at siga tvær fer og løgdu vit síðan út á hav.

Og tá man er sum eg og elskar at taka myndir, so mátti myndatóli sjálvandi við.  

Tað er ótrúligt, sum Føroyar eru vakrar, at liggja úti á Vágahavinum og eyðgleiða fuglin og vøkru náttúruna runt um meg, tað kendist so frisælt og dýrabart. Tað kemur ein sovorðin gleðiskensla innan í mær og nøgdsemi um, at her  búgvi eg og kenni priviligera. 

Eg skilji væl ferðafólkini og at tey ikki fáa nokk av okkara oyggjum. Møtti trimum pørum ein dagin og øll við myndatólum uppi á hjá sær, ávegis útá Trælanípuna. - Jú hon er bergtakandi og heilt serstøk okkara vakra náttúra kring oyggjarnar.  - Takksom 💚


A boattrip to the ocean near by the place we live. Me and my husband love going these trips, taking our fishing rod with us and to catch some fish. We often  make some fishing rissole out of the catch, and I tell you, -it tastes  delicious. 👌  - The summer is almost here, and we are looking forward to several of these boattrips. 😊

Lea hon elskar at sleppa við út at fiska. Og tað stóð mangan á at hála inn....og fingu vit mangan góðan láturin hesa løtuna. 😄

sær út sum risabein

Presttangi og Sandavágur í baksýni

Lonely old yellow house

                                  Likka stendur steinið

 My best friend 💚

                                     aldutítl

Likkurokan í fjørðuni

Trøllkonufingur í mjørkanum

Hesa myndia tók eg tá vit komu innaftur. Likkan á græstekjuni. Og longur uppi, gásin við ungum sínum nær við handan buskin. Eg sá teir so væl við longu linsuni, tá eg tók myndina og sumaði heilt nær.