Vit nærkast endanum á ársins fyrsta mánaða. Og kunnu vit ikki siga annað enn, at veðrið hevur verið svingandi í januar.
Seinastu dagarnir hevur veðrið verið so einastandi gott við kulda og kava. Sólin hevur heilsa uppá okkum, og ber boð um, at vit ganga móti ljósari tíðum, nú hon er komin hægri upp á himmalhválvi.
Tað er eitt satt privilegium at búgva so tætt við stórsta Vatn í Føroyum, og fóru vit báðar møðgurnar túr í kalda dýrdarveðrinum ídag.
Og nógvar eru myndirnar at síggja á fb og aðra staðni, sum fólk taka ein slíkan dag sum í dag.
Eg sigi sum maður mín sigur so væl, í eini av sínum yrkingum, og lata myndirnar tala fyri seg. 😊
💚
Eg takki tær faðir, mítt eyga kann sjá
so vit mítt kann skilja, tað kemur tær frá.
Øll náttúran vitnar, hvør stórur tú ert
av tindi í fjørðu, ja hvar tú so fert.
Alt andar av lívið og syngur sín song
ber boð um sin skapara, Harra og kong.
💚
Ingen kommentarer:
Send en kommentar